theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Pyrchah ka HSPDP yei thmu wow booh Casino hapoh ka jylla

Ka Central Executive Committee (CEC) ka Hill State People’s Democratic Party (BJP) da pynbna ko yei pyrchah yei thmu ka sorkar wow pynkrehkaam ya ka aiñ Meghalaya Gaming Act, 2021 khamtam wow booh ya ki Casino.

“Ka Party lyngba ka CEC ym em mynjur ko ya ini i thmu ka sorkar wei daw pyrchah i ya kani ka aiñ Gaming Act khamtam i booh Casino ha Khanapara,” da ong u President ka HSPDP, u KP Pangniang.

U Pangniang da ong u wa kam ka Party ri-loom da sñiaw ko wa ka jylla ym pu toh i por wow pdiang ya kani ka Gaming Act khamtam ka Meghalaya toh kawa boon ki Christan.

Da pyntip u leh wa ka HSPDP ha ka yalang ka Coordination Committee yong ka Meghalaya Democratic Alliance da pyrchah ko yei kwah u pynkrehkaam ya ka Gaming Act, 2021.

Ha iwi won i liang, u Pangniang da khana u wa ya ka thong krehkaam namo ka Election Manifesto ka the HSPDP neibynta ka 2023 Assembly Election daw pynlait ha ka tayaw wa nyngkong u Naichiphaw.

Katkam wa ong u, ka Manifesto daw em ko ya kiwa boon ki kaam kiwa da yakhih ka Party nadooh nachwa kam wow yoh ya ka Khasi State, u pynbait ya u pood, i pynkrehkaam ya ka Inner Line Permit, i pynpsiah ya ka ktien Khasi hapoh ka Eighth Schedule ka Constitution najrong kiwi de ki kaam kam ka pynku ya ka rep ka riang wei wow pynyoh kreh ya ki khynroo khyllood ka jylla kiwi kiwi de.

Da pynbna leh wa daw chna ya u motdur yow sahkynmoo ya uwa seiñ wa uwa yahkhmat warim ka Party, u Hoping Stone Lyngdoh ha Mawphanlur, West Khasi Hills District.

Da khana u wa ya ka HSPDP da seiñ ha u 1968 wei katni da em ko 54 snem wei da toh i por wow wai noh ya u motdur u dkhot wa seiñ ka Party ha ka sngi yap u ha ka 26 tarik uni u bnai.

Share this:
Previous

Sdang ka Money Knockout Football Tournament 2022 ka Tluh SCSC

Next

Ym ye u chalan ya u moochuni cha baar ri da ka Minor Mineral License: High Court