Pyrchah ki District Council ka jylla ya ka UCC ha Meghalaya

Waroh ki le tylli ki Autonomous District Council (ADC) kiwa kynthup ya ka KHADC, JHADC wa ka GHADC ynne da pyntip ki hadien ka yalang ha KHADC wa da rai wow pyrchah bait ya i thmu ka sorkar pardi wow pynkrehkaam ya ka Uniform Civil Code (UCC) hapoh ka jylla Meghalaya.

U CEM ka KHADC, u Titosstarwell Chyne da ong u wa da rai wow pyrchah bait ya i pynkrehkaam ya ka UCC ha ki thaw Sixth Schedule yong ka jylla.

Ka UCC toh ka aiñ kawa man salonsar kawi neibynta waroh kiwa chong chnong ka ri.

Da ong u wa da yaklam yillu bha hajrong ini i thmu ka sorkar pyrdi wow wanrah ya ka UCC Bill ha ka ri wei daw ktah ko yei rukom man wa i rukom kyrpang yong ki jaitbru hapoh ka jylla deiwa pynrap leh wa ye u chong dorbar wa kyrpang hajrong kani ka aiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u wa ka sorkar jylla leh emkaam u bood ko ya ini i jooh kamwa da leh ya ka Citizenship Amendment Act.

Heijooh i por da ong u wa ya ka CAA da pynlait na ka Scheduled Area kyrmen u leh waka UCC leh daw pynlait ya ka na ka jylla.

Puræ Leh: Ka UCC daw pynmadan ko ya ki ri-loom: NESO & KSU