Ka MPSC hadien wa dadep ko wow kular wow pynlait paidbah ya ki Marks kiwa yaleh MCS (Prelims Exam) neidaw wa pynman yakhih ka KSU kawa da pynbaad wym em khooid i rukom pynman ya ka Exam heiwa da em boon ki kynrum kynram hawa jied ya kiwa yoh u yaleh sa ya ka Mains Exam.
Ka MPSC ynnin da pynbna paidbah ko wa ini thmu wow pynlait paidbah ya ki Marks da pyrchah da kiwa yaleh ya kani ka Exam neidaw wa tyngkheiñ i yei hok ‘Right to Privacy’ yong ki katkam wa da e hapoh ka Article 21 ka Constitution ka ri.
Kiwa pyrchah da ong ki leh wa ini i pynyoo yei Marks khlem da yoh bor na ki toh i wym man wei ye ki wow chah pait khmat wei daw ktah yei lai i wan ki wei emkaam wow yada yei burom yong samen ki.
Kamtæ ka MPSC da rai ko wa ym pynoo paidbah tangwa kitu kiwa yaleh ye ki wow tip yei Marks yong ki hi lyngba ka OTP Based System iwa mut ym ye ki wow pait yei Marks yong kiwi lait noh i yong ki hi.
Kiwa yaleh MCS kiwa da pyrchah yeini i pynyoo paidbah ya ki Marks da em ki 6 ngut kiwa da thoh cha u Chairman ka MPSC wa pyrchah ki yeini.
Kam wow pynkynmoo wa ini i dawa pynlait paidbah ya ki Marks da sdang i deiwa pynbna ka MPSC sa 62 ngut hadien wa dep pynbna 580 ngut kiwa chah jied yow yaleh ya ka MCS (Mains) Exam heiwa da e daw wa em 3 tylli ki yukylli wa bakla i jubab iwa da pynman ya ka KSU u yakhih yow pynlait paidbah ya ki Marks.
Puræ leh: Pdiang ka MPSC wa em i bakla ha ki Answer Key ka Exam MCS
Discussion about this post