Rah ka India ya ka U-19 World Cup deiwa jop ya ka England

Deiwa lehbha u Raj Bawa daka Bat waka bol, ka India da jop ko ya ka England da 4 Wicket ha Antigua, West Indies iwa da man leh ka sien wa 5 wa da rah ya India ya ka ICC Under-19 World Cup. Ka India da kdong ko ya ka thong 190 Run yow jop deiwa sah sa 14 bol, deiwa yoh 50 Run na u Shaik Rasheed wa Nishant Sindhu.

Deiwa jied wow Bat nyngkong hadien wa jop ya ka kylla khlem, ka England da chem chitom ko wow kamai chiboon Run deiwa ye u Raj Bawa wa u Ravi Kumar wow pynhaap Wicket dei langær. Hadien wa u Captain da haap u hadien ka bol wa ar khlem da yoh chi Run leh, u James Rew da yieñ u wow yaleh neibynta ka England katwa ha chiliang won u Bawa da pynhaap ma pynhaap Wicket u.

Ha iwi i bynta, ka England da yoh ko 91/7 ha ka 25 Over, tangwa u Rew da pynim u ya ka England deiwa kamai lang 93 Run wa u No. 9 James Sales uwa da kamai 34 Run na 65 bol. Ka 95 Run na u Rew kawa da yoh u na 116 bol da yarap ko ya ka England wow kamai ko rap boon. Hadien wa haap u Rew ha ka Over wa 44 ha u Rana ka England da dooh ko ya ki 3 Wicket wa khaddooh deiwa kamai 5 Run donhi.

Ka India leh ym em ye ko wow da lehbha da ka Bat tangwa deiwa ye u kamai lang da kiwa boon hadien wa haap u Opener Angkrish Raghvanshi hadien wa bol wa ar khlem da kami chi Run leh, da pynskem yeiwa Bat da ka 49 Run hapyrdi u Shaikh Rasheed wa u Harnoor Singh. U Rasheed da lai u wow kamai ya ka 50 Run deiwa yoh lok wa u Captain Yash Dhull yow pynpoi chwa cha chiteiñ ka thong.

Tangwa u James da pynhaap u ya kini ki arngut ha ki ar Over yong oo iwa da pynman ya ka India wow yoh ko 97/4. Tangwa u Bawa wa u Sindhu da kamai lang ki 67 Run. U Bawa da haap u hadien wa kamai 35 Run, katwa u Sindhu da yarap u ya ka India wow jop deiwa yoh 50 Run khlem haap.

Related posts

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Pdengshakap Football Tournament: Psiah Quarter Final sa ka Border Line FC waka Pohplet FC

February 1, 2026

U Dinesh Bana da pynjop u ya ka India da ki ar tylli ki 6 Run wa da dat u kawi hadien kawi haka Over wa 48 hawa kawang bol u Sales.

Ka Score Card: England U-19 189 na 44.5 Overs (James Rew 95, James Sales 34*; Raj Bawa 5-31, Ravi Kumar 4-34) da rem ko ha ka India U-19 195/6 na 47.4 overs (Nishant Sindhu 50*, Shaik Rasheed 50; Joshua Boydon 2-24, Thomas Aspinwall 2-42) da 4 Wicket.