Rah ka Kynjai Para-I yei naam jop ka Tiger Five Football Tournament ka Chilliangraij

Ka Chilliangraij Sports & Youth Affairs Committee ha ka sngi Muchai 1 tarik uni u bnai da pynkut ko ya ka yakob kynjat bol wa mar san ngut chilliang wa tip kam ka 12^th Tiger Five Football Tournament 2023.

Ha uni u snem, ki ar tylli ki liang wa dapoi cha ka thong wow yaknieh yei naam jop kani ka lympung toh ka Rishot FC waka Kynjai Para-I FC wei ya kani ka yakhun Final najrong ki paidbah wa boon da wan sakhilang leh da u Brightstar Chyrmang, MDC JHADC kam u kongsan hei emlang u T. Suchen, General Secretary JSU Central Body wa ki waheh wasian ka dong Chilliangraij.

Ha ka yalang yahkhmat wa tbian chwa wow yoh ki paidbah u sakhi yei pyntaw buit pyntaw bor pyntaw sap ki ar liang ha madan, neiliang u Cheini Niangti da e u i khana parom chaphang i lai luti kani ka yakob ha ki 12 tylli ki snem neitæ chooh chooh da yoh i klam e mynsien leh na u waheh chnong, u D.H. Pde wa na u T. Suchen.

U Brightstar Chyrmang hawa e kyntien kam u kongsan da yaroh u ya ka Chilliangraij Sports & Youth Affairs Committee kawa da chimkhia u pynman ya kani ka yakob na ki snem cha ki snem wei da kitbok kitrwiang u ya ka Committee kamjooh ya ki dhab wa ya chimbynta waroh.

Super Divison Saipung: Jop ka Narwan wa ka Pyrdung

November 25, 2024

Yoh takma ki ar ngut kiwa na East Jaiñtia ha ka lympung yakhun Karate wa pynman ha New Delhi

November 25, 2024

Ya kani ka yakhun Final da pynlai da u Romania Syngkon, National Referee wei ha ki 60 minit yong kani ka yakob ki paidbah da sakhi ya i yaleh wa ya thain wei chongchit heiwa ka Kynjai Para I FC da yoh ko u thap hadooh 3 kool na ka bol wa kynjat da u Deibor haka minit wa 29, u Primrose ha ka minit wa 39 wa u Kynsai haka minit wa 59 katwa ka Rishot FC wan ha ka minit wa 40 wa ha ka minit wa 42 da yoh ko u su ar kol donhi wei ya kini ki kool da thap da u Kevin wa u Tremiki, kamtae ka Kynjai Para-I FC da yoh ko yei naam Champion yong kani ka Tournament deiwa rah leh ya ka song poisa wa T. 50,000 waka Trophy katwa ka Rishot FC da hap ko u pdiang yei naam rem wei da yoh ko u rah yaka song poisa wa T. 30,000 deilang waka Trophy.

Yei naam Top Scorer yong kani ka Tournamnet da rah da u Oliver Pale yong ka Oxford FC neitæ yei naam Best Goal da rah da u Forlic Dkhar yong ka Kynjai Para-I FC katwa yei naam Best Player da rah da u Primrose yong ka Kynjai Para-I FC.