Ka SCA ‘B’ da man ko kam ka Champion yong ka Under-16 Boys Inter District Cricket Tournament 2025 deiwa pynrem ya ka TDCA ha ka Final ynne ka sngi ha madan Thad Mukhla.
Ka SCA ‘B’da yachem ko wa ka TDCA wei da jop da 8 Wicket.
Ya ka kylla khlem da jop da ka TDCA kawa da jed wow Bat chwa kawa da ye wow kamai du 106/10 na ka 41.4 Over heiwa ya ka yalehke da hap pynhiar cha ka 42 Over chiliang. Na kiwa Bat, u Aniket Poddar da lehbha u deiwa kamai 31 Run (Not Out) na ki 44 bol deiwa dat leh 5 tylli ki 4 Run. U Doangkam Ch Marak won da kamai u 25 Run na ki 23 bol deilang kawi ka 6 Run wa 3 tylli ki 4 Run. U Arav Baraily (C) hawa kawang bol ya ka SCA ‘B’ da yoh u pynhaap 3 Wickets na ki 9.4 Over.
Ka SCA ‘B’ ha ka pali yong ka wow beh ya ka thong, ki soo ngut kiwa Bat da pynjop suk ki deiwa kamai 109 Runs na ki 22.2 Over. U Suraj Chettri ynne ka sngi leh da pynyoo u yei sap yalehke yong oo deiwa kamai u 71 Run (Not Out) na ki 79 bol deilang kawi ka 6 Run wa 10 tylli ki 4 Run. U Aniket Poddar, uwa kawang bol yong ka TDCA da yoh u pynhaap 2 Wicket na ki 8 Over.
Yei naam Player of the Match da yoh u Suraj Chettri.
Da saam leh yei naam Best Batsman yong kani ka Tournament heiwa u Suraj Chettri uwa kamai waroh 368 Run ya ka SCA ‘B’ da yoh u yei naam Top Scorer.
Yei naam Best Bowler da yoh rah da u Aniket Poddar uwa da yoh u pynhaap 24 Wicket ya ka TDCA.
Da saam leh yei naam Player of the Tournament iwa da yoh da u Aniket Poddar hi.
Ya kani ka yakhun Final da wan wow sakhi da u MLA ka Jowai, u Wailadmiki Shylla kam u kongsan, u Assistant Director of Sports, u Khroobok Passah kam u symbood kongsan.
Da emlang leh u Hony. Secretary yong ka MCA, u R. Kharkamni, u President yong ka West Jaiñtia Hills District Cricket Association, u Eddystone Shylla, u Secretary ka Mukhla Pyllun, ki Waheh Chnong ka Mukhla Mission, Mukhla Umlangshor, Mukhla Nongrim, Mukhla Shohshrieh, ki dkhot yong ka MCA wa ki dkhot iong ka WJHDCA.
Discussion about this post