Ka 3rd Division Football League 2025-26 ka East Jaintia Hills District Football Association dapoi ko cha wakut ynne da ka yakhun Final hapyrdi ka Narwan SC wa ka Suchen Lumiarain
Ka yalehke hadooh wa kut i por kamjooh ka Extra Time da kut ko da 0-0.
Kamtæ da pynman da ka yachut Tie-Breaker heiwa ka Suchen Lumiarain da jop ko da 3-2 ya Narwan.
Kam wow kdaw heini wa u Chairman ka JHADC u Dr. Sankey Shangpung man u leh kam uwa yalehke ka Suchen Lumiarain.
Yei naam Player of the Match da yoh da u Deibormi Shadap, yei naam Player of the Tournament da yoh da u Miki Suiam, yei naam Best Goalkeeper da yoh u Da O Hi Shadap kiwa waroh na ka Narwan katwa yei naam Top Scorer da yoh u Wanmi Lamurong uwa na ka Suchen Lumiarain.
Ya kani ka yalehke Final da wan wow sakhi kam u kongsan da u Dr. Tammiyaki Shylla, BDO chirup u Krison Langstang, MDC ryngkat i emlang kiwa kitkaam wa ki dkhot yong ka EJHDFA.
Discussion about this post