Rah lama yong ka KHNAM Youth Wing wow dawa na ka sorkar wow pynyinsur yei rta wow yaleh Civil Services

Shillong: Ka KHNAM Youth Wing ynne ka sngi da pynman ko ya ka rah lama hakhmat yong ka Secretariat wow dawa na ka sorkar wa toh u pynyinsur ko ya i rta ya ki khynroo khyllood kiwa yaleh kreh kam ka Civil Services na ka 32 cha ka 40 snem kamwa leh ha kiwi ki jylla kam ha Tripura, Assam ya ki tre jylla.

Ka sngi wa khaddooh wow kut kiwa thap application toh sa du chisngi donhi.

Ki dkhot ka KHNAM Youth Wing kiwa em kattu katni ngut da pynman ki ya ka rah lama ha i por step tangwa neidaw wa da pynkrehkaam ya ka aiñ 144 CrPC, da sangeh noh ki chwa wei da lai paan bor ki na u DC wei hadien wa da yohbor da wan biang wow rah lama heipor 3 waje i janmiet.

U President ka KHNAM Youth Wing u Thomas Passah hawa yaklam wa kiwa pathai khubor da ong wa ka seiñ ka beiñ joor ko ya ka sorkar kawa suki kiaw hei yatoh wa ini i dawa ka seiñ wa em yurim bha neibhah ka Meghalaya Service Rule leh ha ka para 9 ka kyndon wa ar, da kdaw che ko wa ka sorkar jylla wow pynyinsur ko ya i rta kiwa yaleh kreh kiwa man leh ki tre jylla.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

“I beiñ joor i ya ka sorkar wei kamjooh ya waroh ki 60 ngut ki MLA kiwa ym klam chaphang iyi iyi leh hajrong ini kawa man ka laad yoh kreh kiwa boon ha kani ka juk dooh kreh katni.” Da ong u Passah.

Ka KHNAM ka da dep thoh ko leh nachwa cha u Chief Secretary ka jylla hajrong ini wei da dawa wow pynmih noh ka sorkar yei pynbna wa da pynyinsur ya i rta kiwa yaleh kreh mynstep ka sngi.