Ynne ka sngi Pynsiñ, ka yung krehkam u Deputy Commissioner chirup wa ka yung krehkaam u District Sports Officer, West Jaiñtia Hills da pynman ki ya ka Run For Democracy hapoh ka chnong Jowai kawa da sdang na madan Kiang Nangbah Stadium wei da pynkut won ha Indoor Sport Hall wa em hajan ka Stadium hi deiwa lai luti lyngba ka Ladthadlaboh Main Road-New Hill-Iawmusiang-DC Office- Mynthong-Madan Jrisaleiñ-H.K.Singh School-Upper Chutwakhu-Mission Compound-Iongpiah-Dulong-Tpep-Pale-Wah Nangbah-Iawmusiang-Kiang Nangbah Indoor Sport Hall (yow pynkut).
Ya kani ka Run For Democracy da wan wow kaweh lama da u Sylvester Phanbuh, MCS-EAC, West Jaiñtia Hills kam u kongsan hei emlang u Khroobok Passah, District Sports Officer, West Jaiñtia Hills, ki dkhot ka West Jaiñtia District Sports Association wa kynthup yow EMH Passah, Working President, WJDSA, Patrick Lamare, Vice-President, WJDSA wa kiwi kiwi.
Yei naam jop yong kani ka yakob phet “Run For Democracy 2023” heiliang ki chynrang da rah da u Dasaman Kyndait uwa da pyndep yei phet hapoh i por 21 minit 38 second neitæ bood ryngkhi u Sanctify Pale uwa da pyndep yei phet hapoh i por 22 minit 25 second wa u Marso Kyndait uwa da ye u pyndep yei phet hapoh i por 22 minit 40 second.
Neiliang ki kynthai won da yoh nyngkong ka Happiness Phawa kawa da pyndep yei phet hapoh i por 31 minit 13 second wa ka Mini Kyndait kawa da pyndep yei phet yong ka hapoh i por 36 minit 39 second.
Ya ki khusnaam cha waroh kiwa da jop ha kani ka “Run for Democracy 2023” da saam da u Sylvester Phanbuh wa u EMH Passah.
Kiwa yoh nyngkong da yoh ki T. 7000, wa ar T. 5000 wa le won T. 3000.
