Rai ka KHADC wow paan biang ya ka Land Bill, palat 30 tylli ki Bill wa sahkut

Shillong: Ka Executive Committee yong ka KHADC da rai ko wow paan biang ya ka Land Bill wa da mynjur da ka KHADC nadooh u snem 2014.

U CEM da pyntip u wa ka Executive Committee daw yachem ko wa u Lat ka jylla ha kini ki sngi wow wan yow kyntu chwa yow pynuiñ ya katai ka Bill wei wow yaklam leh hajrong kiwa boon tylli ki Bill wa sahkut kiwa da mynjur da ka Council.

U Teinwell da ong chooh chooh u wa i paan biang ya ka Land Bill toh neidaw wa hadooh katni ka KHADC ym yoh ktien ko iyi iyi naka yung krehkaam u Lat næ na ka District Council Affairs (DCA) ka sorkar jylla, deiwa pynrap wa lada em iwon iwon i wym biang ha ka Bill toh u pyntip cha ka Council, tangwa kamwa man katni da ksoh bait ya ki Bill khlem iwon iwon i pynche.

Da pyntip u leh wa da em palat 30 tylli ki Bill wa da mynjur da ka KHADC kiwa da sahkut ha ka chnat tnat DCA ka sorkar.