Jowai: Ka Election Committee yong ka Mukhla Pyllun da pynman ko ya ka yalang paidbah ha ka 28 tarik uni u bnai ha pchem ka Community Hall ka chnong kawa da wanlang kiwa chong chnong ka Mukhla chynrang wa kynthai wow ap wow sñiaw ya kani ka yalang.
Ya kani ka yalang da pynlai da u R.W. Rymbui u President ka Election Committee Mukhla Pyllun wa u Iata Sumer uwa man kam u Secretary Election Committee Mukhla Pyllun.
Ha kani ka yalang da yoh ya i klam na u Ailad Bhoi u kyrtong MDC ka chnong uwa da yoh yei kyrchaan na ki Waheh Chnong ki chnong Mukhla kiwa em hapoh ka Mukhla Pyllun.
Ha kani ka sngi leh da em u MLA ka thaaiñ u Wailadmiki Shylla uwa da e ya ki ktien sneiñ ktien khroo uwa man leh u khon ka chnong Mukhla.
Ha kani ka yalang ki paidbah da rai ki da iwi i yumut wow ya tylli wow kyrchaan yow yoh yei jop ya u khon ka chnong u Ailad Bhoi u wow yakhun MDC 2019 naka 5-Mukhla Wahiajer Constituency kam u kyrtong samen.
Da pynkut ya ka yalang da ki ktein e khublei na u Hachwa Suna.
Discussion about this post