Shillong: Ka sorkar jylla ynne ka sngi da rai ko wow chna noh da ka COVID-19 Management Unit, ka wow pait thij yei long i man yong ka jylla hawa yatoh waka khlam COVID-19 khnang wow pynstiñ ya kiwi ki chnat sorkar na kani ka kaam, yow ye ki wow pynlai yumut katkam ki chnat krehkaam wa em ki.
U James K Sangma uwa man u Montri sorkar kamjooh uwa e ktien ka sorkar MDA, da pyntip u wa i booh yaka COVID-19 Management Unit u man ko leh ha ki District Management wei daw em ki kynhun kiwa khlan wow paitbniah nadooh ki khyrdop wa wan cha ka jylla, ki thaw wa chim ya ki nongmuna (Sample) wei kamjooh leh kiwa pait yaki Quarantine wa Corona Care Centre.
Da ong u wa ini i rai toh hadien wa da chem wa katkam i krehkaam wa katni hapoh ka National Health Mission da khia palat, wei da emkaam wow booh kyrpang noh da kawi ka kynhun kawa paitbniah bait thij du neibynta wow yada nei poor uni u khñiang kjut.
U James da pyntip u leh wa wa ya ka COVID-19 Management Unit daw khlieh da u Mission Director yong ka National Health Mission, wei i lut wa da wanrah hakhmat ka sorkar neibynta ini man ko katkam i thmu daw poi ko T. 5.06 klur.
