Shillong: Ka sorkar jylla ynne ka sngi da mynjur ko wow pynyinsur ya i rta neibynta kiwa kwah wow yakhun ya ki kaam sikai ha ki thaw puræ ka sorkar wa kynthup nadooh ki skur LP hadooh ki kyrdan College.
Hawa yaklam wa kiwa pathai khubor u montri ka tnat puræ puthi, u Lahkmen Rymbui da ong u wa ini i pynyinsur ya i rta da leh khnang wa ki khynnah u yoh ki yei stat i tip iwa paka tam.
“Nachwa i rta wow yakhun ya i kaam sikai ha ki thaw puræ ka sorkar man i 27 snem wei i pynyinsur wa 5 snem. Da em chwa i neibynta kiwa wan na ki jaitbru ri-loom, iwa mut hadooh 32 snem neibynta ki SC/ST, tangwa deini da pynyinsur chooh chooh yei rta, uwa kynjoh hadooh 37 snem,” da ong u montri.
Hawa pynksan nia hajrong ini, u Lahkmen da ong u wa boonsien kiwa sikai hadien wa da pyndep ki ya i puræ ha ka kyrdan Degree, da haap pyndep ki sa ya kiwi leh ki puræ kam ka B.Ed, wei kitu kiwa puræ rap chajrong kam ka Master Degree, Doctorate ymye de ki wow yakhun ya kani ka kaam.
Discussion about this post