15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Rai ka STIEH wow dawa na u CEM ka JHADC wow chna aiñ kam ka yong ka KHADC

0 Comments

Jowai: Ka seiñ STIEH (Saiñdur, Tipkur Tipkha, Ieng, Ehrngiew, Khun Hynñiewtrep) kawa kyrchaan ya ka Khasi Hills Autonomous District (Khasi Social Custom of Lineage) (Second Amendment) Bill, 2018 da chim ko ya ka rai wow yachem wa u CEM ka JHADC yow chna ya kam kani ka jooh ka aiñ.

Ynnin ka sngi kani ka seiñ da pynman ko ya ka yalang paidbah ha Khasi National Dorbar Hall Mawkhar kawa da wan chimbynta da ki paidbah, ki seiñbhalang wa ki MDC ka KHADC kiwa wan wow pynsñiaw yei kyrchaan ya kani ka aiñ ka KHADC.

Ka wi na kiwa seiñ ya ka STIEH ka Deiwi Tongper da ong ko wa ki kynthai wa pyrchah ya kani ka Bill toh kiwa yoh kurim Dkhar wei ym hun ki wa du ki donhi wow yoh kurim Dkhar wei kwah ki leh wa kiwi leh toh u maad ki ha kani ka jooh ka kaam.

Neiliang ki seiñbhalang kam ka KSU wa ka HYC da ong wa kani ka aiñ daw yada ko ya ki kynthai yong ki kiwa lai puræ cha baar jylla.

Ka MDC ka HSPDP ka Telinia Thangkiew kawa emlang ha kani ka yalang da ong ko wa kani ka aiñ ym em leh chilliang ko ya ki kynthai wei ym wanrah ko ya ka sñiaw yaphær jaitbru hapyrdi ki Khasi wei daw yaleh wow smat u yoh ya ka muhor u Lat yow pynman aiñ ya kani ka Bill.

Previous
Next

0 Comments

Leave a Reply