Rai ki paidbah ka Sohkymphor Poh Mission wow kyrchaan pura ya u Comely Lyngdoh kam u kyrtong MDC

Jowai: Kiwa kyrchaan u Comely Lyngdoh ynne ka sngi da khut yalang paidbah ki ha Sohkymphor Poh Mission kawa pynman ha madan Wah Sanphaw.

Ki manbei manpa kiwa emlang da iwi i sur da rai ki wow e ya i kyrchaan wa pura ya u Comely wow lai u cha khmat yow yakhun Election wei wow poi hi u leh cha ka thong.

U Comely u yeiñ u naka MDC Constituency 20-Muthlong Sohkymphor kawa u MDC wa katni toh u Skhembok Shuchiang kawa em 10 hajar tam ka Vote.

U Comely da ong u wa lada poi u haka thong, daw wanrah u ya ki aiñ wow yada yaka khyndaw ka chyiap wei wow pynneh pynsah yaka riti ka dustur katkam ka riti synchaar yong ka Council.