Rai u CEM ka KHADC wow pyndam yei yumut wa phah ka sorkar jylla hei yatoh wow kylla ya ka Sixth Schedule

Shillong: U Chief Executive Member (CEM) ka Khasi Hills Autonomous District Council (KHADC) u P.N. Syiem hadien wa chong yaklam u wa ki le tylli ki seiñbhalang da rai wow phah pyndam noh yei yumut ka sorkar jylla heiwa da phah ko hei yatoh wow kylla noh ya ka Sixth Schedule wa da phah ki cha ka sorkar pyrdi.

U CEM da ong u wa hadien wa yachem wa ka Khasi Student Union (KSU), Hynniewtrep Youth Council (HYC) wa ka Federation of Khasi Jaiñtia and Garo People (FKJGP) da yaklam bniah bha chaphang ini ynne ka sngi.

Hawa yaklam wa kiwa pathai khubor u Syiem da ong u wa daw thoh u cha ka sorkar jylla wow pyndam yaka yumut wa phah ko cha ka sorkar pyrdi neidaw wa ym em chim ko yei yumut ki paidbah.

U Syiem da pyntip u wa ka sorkar jylla la ar sien ha u snem 2013 wa 2015 da phah ko yeiwa kwah ko u kylla ya ka Draft Sixth Schedule yong ka Constitution (Amendment) Bill, 2012 wa ka Draft Constitutional (One hundred and twenty-third Amendment) Bill, 2015 yow kylla ya ka Article 280 ka Constitution ka ri waka Sixth Schedule.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da ong wa ka sorkar jylla ym em kwah ko u kylla ya ka Paragraph 12 A (a) neibhah daw mih i yachruit hapryrdi ki District Council hapoh ka jylla neibhah kamwa man kattæ ki aiñ ka sorkar jylla wa ka sorkar pyrdi tynyap ki ya ki aiñ ki District Council.

Hei yatoh wa ini daw pynman ya ka yalang biang sa chisien ha uni u bnai wa daw wan.