Shillong: U CEM ka KHADC, u Hispreaching Son Shylla da ong u wa u Chairman ka People’s Democratic Front (PDF) u Pynshngain N Syiem ye u wow yakhun ya ka Election chiteiñ samoi ha Ranikor na ka Congress.
U Shylla da ong u ya ini neidaw wa ka PDA dang emlang ko wa ki MDC ka Congress wei kiwa da pep wow wan cha ki ar tylli ki dorbar ka KHADC.
U CEM da pynbaad u leh wa ka Congress toh kawa emkti hei wiar ki liang pyrchah na ka dorbar ha KHADC wei ini toh i buit ka Congress wow wanrah yei kulmar hapoh ka Council wei ini i leh ka Congress ymtoh wa ye u pdiang wei pynyoo leh wa waroh ki MDC ka PDA da chah pynlai ki da ka Congress.
Chooh chooh u Shylla da ong u wa ha kini ki khajiak sngi wow wan ki le ngut ki MDC ka PDF daw psiah ki cha ka Congress, wei da pynrap deiwa ong wa hadooh katni ympu tip che leh kiwa yahkhmat ka PDF ha KHADC kam u Parliamentary Party Leader neibhah wa ka PDF da pynbna yahkhmat ko da uwi katwa da phah thap pyrtuid neibynta ka chuki CEM won da ka Grace Mary Kharpuri ka wymtoh kawa yahkhmat ka PP.
Discussion about this post