Jowai: Ka Election MLA hapoh ka jylla kat dang mih ki sngi dang chit ko heiwa ki seiñ saiñ hima kat dang mih ki sngi da pynmih ki ya i pyrtuid yong ki kyrtong ki wow yakhun ha u 2018.
Katkam ka yutip wa da yoh da ong wa u Montri Rangbah warim ka jylla uwa man leh kam u President ka Meghalaya Pradesh Congress Committee (MPCC) u Dr. DD Lapang da rai u wow dam noh u yakhun ha kani ka Election wow wan.
U Lapang da jooh ksoh u kam u Montri Rangbah ka jylla hadooh soo sien nadooh u snem u 1992 hadooh u 2009.
I man Montri Rangbah ka jylla u toh nadooh ka 5 Thohlakhmi (February) 1992 hadooh 19 Thohlakhmi 1993, neitæ nawon na ka 4 Wisu (March) 2006 hadooh 15 Naiynru 2006, na u 10 Wisu 2007 hadooh 19 Wisu 2008, nadooh ka 13 Naisan (May) 2009 hadooh 19 Naitung (April) 2010.
Na ini i dam u Dr. Lapang ye u ong wa ka seiñ Congress kamjooh i em ka sorkar thymme ka jylla daw chah ktah joor bha ko hadien wa ym em de kam uni u bru ha ka yung dorbar chna aiñ ka jylla.
Discussion about this post