U montri rangbah ka Assam, u Sarbananda Sonowal ynne ka sngi da ekti u ya ka chithi wow hiar noh kam u montri rangbah ha u lat ka Assam, u Jagdish Mukhi.
Ini i hiar chuki u Sonowal toh hadien ka Election MLA Assam.
Da ong wa ki ar ngut kiwa ye u chim ya ka chuki montri rangbah ka Assam toh u Sarbananda wa u Himanta Biswa Sarma uwa man u Montri ka chnat i chait i khiah ka jylla. Heiwa da em ki laad pathai khubor wa ong wa u Himanta daw man noh u kam u montri rangbah wa thymme ka Assam.
Ha ka Assembly Election cha ki 126 tylli ki Constituency ka Assam, ka dhab ka sorkar warim da jop ko 75 heiwa du ka BJP samen da jop ko 60 tylli katwa ka AGP da jop ko 9 wa ka UPPL won 6 tylli.