Uwi u khynnah wa dang 11 snem da chah dait u ha u ksaw Pit Bull hadien wa pynlait u tre ya uni u ksaw ha Mumbai hapoh ka Autorikshaw heiwa uni u khynnah toh uwa chong hadien kani ka Autorikshaw.
Ha i Video wa da poor bha da yoo wa uni u khynnah da tieñ bha u hapoh kani ka Autorickshaw wa emlang uni u ksaw katwa uni u tre wa chong hakhmat da rkhai u yeini iwa jia katwa u ksaw dait u ya uni u khynnah.
Uni u tre heithaw wow ksoh wei wow yarap ya u khynnah da pteiñ u wow rkhai heiwa hadien wa yoh uni u khynnah wow mih napoh kani ka Autorickshaw uni u ksaw da kdong u oo uni u khynnah.
“U ksaw da dait u nga wei da dait u leh ya ki sula O,” da ong uni u khynnah wa tip kam u Hamza uwa da paan yarap na u tre uwa pteiñ wow rkhai.
Neiliang ki pulit da kem ki ya u Mohammad Sohail Hasan (43 snem) uwa man u tre u ksaw hadien wa ujor u pa u Hamza.
Ki pulit da chimkhia ki yeini deiwa pynngat ya u Hasan hapoh ka kyndon Section 291, 125 kamjooh wa ka Section 35(3) yong ka Bharatiya Nyaya Sanhita (BNS).
Discussion about this post