Rs. 10 lak e yarap u Sniawbhalang Dhar cha ka Balang Presbyterian Umplu

U Symbood Montri Rangbah ka jylla, u Sniawbhalang Dhar da e yarap u Rs. 10 lak cha ka Balang Presbyterian Umplu ha ka 23 tarik uni u bnai.

Ha ka yalang wa da pynman chwa wow pynbna u Symbood Montri Rangbah yeini, da yoh yei klam na u Tbn. D. Lamare uwa da ong wa kam ka Balang kawa dang khian chem chitom bha ki kammon u chna ya ka yungmane kamtæ da kyruiñ ki cha u MLA yong ki yow paan yarap hei wow chna ya ka yungmane.

U Sniawbhalang Dhar hawa e u yei klam da ong u wa lada man ka Balang wa khian wa dang boon i duna leh tangwa deiwa yatylli hi ye bait u pyndep yei kaam.

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

Da ong u leh wa heipor Election lada man i kiwa mar pyrchah leh, sñiawsuk won u ong wa ha ki kaam imlang sahlang næ ki kaam yong ka Balang u ya emlang hi i chirup.

“Manda yarap O kamni boon kiwa ong wa e yong Election, tangwa i yong sakhiat toh wa sñiawngooh O yei kyrkhu u Blai kynrad ya nga najrong. I yarap yong nga toh wa pyrchang O kammon u pynkmen ya u Blai kynrad yong nga wei ha kani ka por neiliang yong nga u e yarap Rs. 10 lak cha ka Balang Presbyterian Umplu neibynta wow chna ya ka yungmane,” da ong u Sniawbhalang.