Rs. 2 lak e yarap ka sorkar cha ka Sanfida Nongrum kawa man ka kynthai wa nyngkong na Meghalaya wa yoh u thap kool ha ka AFC Women’s Asian Cup

U Montri Rangbha ka jylla, u Conrad K Sangma ynne da pynbna u ya ka poisa yarap wa Rs. 2 lak cha ka Sanfida Nongrum kawa yalehbol ka Meghalaya kawa da yoh wow mihkhmat ya ka jylla kam kawa yalehke ka India Women’s National Football Team kawa da thap ya ka kool wa nyngkong ka India hadien 23 snem ha ka AFC Women’s Asian Cup.

Ka Safida ha ka yalehke wa nyngong ka International March pyrchah ya ka Vietnam ka AFC Women’s Asian Cup wa da pynman ha Perth Australia ha ka 4 tarik uni u bnai ha ka yalehke Group C, du hadien 7 minit wa mih ko ha ka kylla miet da yoh ko wow thap kool hadien wa cha thap chawa ka India chi kool tangwa da rem ka India da 2-1.

Ka Safida da kha ha u snem 2005 tangwa ka kool wa khaddooh wa thap ka India ha ka Women’s Asian Cup toh ar snem chwa wow kha ya ka.

Ka Rs. 2 lak wa da pynbna u Montri Rangbah toh kawa wan napoh ka Chief Minister’s Special Grant heiwa da man ko leh ka kynthai wa nyngkong napoh ka jylla wow yoh u thap kool hapoh ka AFC Women’s Asian Cup.

Related posts

U pynmih noh ya ki poisa kot ka USA wa soi pyrtuid u Donald Trump | I sien nyngkong da u President wa dang chong chuki

March 27, 2026

La 70 snem ym em u man ka Mukroh kam ka thaw wa kajia pood, katni da chah knieh ha ka Assam

March 27, 2026

Puræ leh: Chah jied ka Sanfida Nongrum wow chibynta ha ka AFC Women’s Asian Cup 2026 wa daw pynman ha Australia