Ka Dorbar Chnong Lama, East Jaiñtia Hills District ha ka dorbar kawa da pynman ha ka 22 Naiynru chisur da rai wow khang pyrchah yei tynyap khiar ya ki doh-um doh-wah hapoh u pood u ang yong ka chnong Lama.
Da khang wow tynyap ya ki doh-um ha ki wah waphær waphær kiwa kynthup ya ka Wah Umkeiñ, Wah Umkasang, Wah Umdakha, Wah Umtong, Wah Pusi wa kiwi ki wah khnang wow pynneh pynsah ya ki thaw wow im hapoh um.
Kamtæ da maham joor wa lada da chem ya kiwon kiwon kiwa pyrchah yeini i maham, neiliang ka Dorbar Chnong Lama u chim ko yei bichaar kamjooh u daiñ kuna ha i dor Rs. 50,000 na ki.
Da kyntu leh ya kiwon kiwon kiwa chem kiwa leh palat yeiwa maham ka dorbar chnong u sñiawbha u pyntip cha u waheh chnong khnang wow yoh u leh yeiwa emkaam wei neiliang ka chnong leh u e buskit ko ya kiwa smat u pyntip cha ka chnong.
Heijooh i por da kyrpaad ya ki para wa yajan chnong kamjooh kiwa na jngai ki chnong wow ya krehlang neibynta wow pynneh pynsah ya ki dakha dathli wa kiwi kiwi wa im ha ki um ki wah khnang wa i thmu ka chnong u man iwa jop.
Kani toh katkam ka Wyrta na u Waheh Chnong, u Dawan Rymbai.
Discussion about this post