15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Sa 14 sngi u yang ki pulit wow yoh u takit ya kiwa lai khawai bia ha Khanapara

Advertisement ad1
Advertisement ad1

Shillong: I takit ya ki 35 ngut kiwa lai khawai bia ha Greenwood Resort, Khanapara, Assam dang hap yang sa 14 sngi neibhah wa ki bru kiwa da chah ujor ha ka Deputy Commissioner ympu kut i por ka Quarantine yong ki.

U Superintendent of Police ka East Khasi Hills, u Sylvester Nongtnger da pyntip u wa kini ki 35 ngut da kut ka 14 sngi yong ki ynnin ka sngi tangwa dang hap yang sa wow pyndep ki sa 14 sngi. Da pyntip u leh wa kiwi ki 4 ngut kiwa da lai chirup cha kani ka khawai hadooh katni ki pulit ympu yoh ki ya ka ujor na ka DC.

U SP da ong u wa ki pulit dadep pynngat ki ya kini ki 35 ngut ha kiwa boon ki kyndon, khamtam wa tyngkheiñ ya ki kyndon ka chnat i chait i khiah iwa da wanrah hei maa ya kiwi tawon kiwa chong chnong, da ong u leh wa ya ki bru kiwa da chah ujor da Register case ha ki kyndon ka Section 188 IPC, wa kiwi kiwi kiwa em hapoh ka Disaster Management Act, ka Epidemic Diseases Act wa ha ka Meghalaya Epidemic Disease Covid-19 Act, 2020.

Heiyatoh wa ki pyrtuid kini ki 35 ngurt kiwa da chah ujor, neiliang u Nongtnger da kyntait u wow khana neibhah wa ka takit dang lai ko chakhmat.

Share this:
Previous

Khang ki 12 chnong ya kiwa na baar wow wan tlep-bru hawa em kiwa khlaad

Next

Khlaad noh ka Kong Shebanola Tongper