Jowai: Ka seiñ HYC-WJC haka dorkhat wa li booh ko ha u Robinus Syngkong MLA yong ka 4-Mowkaiaw, hajrong ki phang wow chna ya ki aiñ (Special Economic Right) namo ki hok wa Kyrpang haka Khayi Pateiñ. Ka seiñ da kyntu ko ya oo kam uwa mihkhmat wow chimkhia u hajrong kani ka phang.
U Damanleki Lathong u President ka seiñ, da ong u wa ka sorkar wa ki ADC toh u chimkhia ki wow yada ya ki hok ki tre ri hei yatoh waka khayi pateiñ. Nalor ka “Trading License” ka sorkar toh wow pynbna noh ya ki kattu katni ki yaaw kiwa heh kam ka Iewduh, ka Byrnihat, ka Khliehriat, ka Iawmusiang wa kiwi kiwi kam ki “Indigenous People Special Economic Zone” heiwa ka khayi pateiñ u leh du da ki tre ri.
Chooh chooh ka sorkar ye ko u e ya ki yarap kam ki subsidy, ki ram ha ki sut wa jem, yow ye ki tre ri u seiñ khih yong ki hi.
I chim kabu yong ki baarjylla lyngba ka chongkha, chongman dei thmu wow riñ wow pyllang spah da ktah joor bha ko ya ka khayi pateiñ wei ki ADC toh u chna aiñ ki hei yatoh waka kheiñ jait. Wei ya kiwa chongkha khleh wa ki baarjylla toh u pyndooh yei hok yong u man ki kam ki ST.
Hei yatoh wa ka “Land Laws” ki aiñ khyndaw ki aiñ chyiap, ka jaitbru wym yoh u wow ksoh ya ka khyndaw ka chyiap daw man broo ki wei daw dooh jait ki kamtæ emkaam ki aiñ wa biang yow yada yei mantre ka jaitbru yong i.
Kani toh katkam ka khubor na u Apdamei Papiah Assistant, General Secretary.
Discussion about this post