Saam chithi thung kreh ka sorkar cha 425 ngut ki Doctor

U Montri Rangbah ka Meghalaya, u Conrad K. Sangma ynne da saam u ya ki chithi thung kreh cha 425 ki Doctor Junior Specialist wa thymme deilang wa ki Dental Surgeon kiwa da chah thung kreh ha kiwa boon ki thaw sumaar.

Ya kani ka yalang thung kreh da pynman ynne ka sngi ha State Convention Centre, Shillong deiwa emlang ka Montri i chait i khiah, ka Dr. Ampareen Lyngdoh wa u Montri ka PHE, u Marcuise N Marak.

U Conrad hawa e yei klam da ong u wa yeini i thung kreh wa leh da ka sorkar toh iwa khooid wei da e khublei u ya waroh kiwa da lehbhah ha ka Exam thung kreh.

Da ong u leh wa ka sorkar da sdang ko da ki Board ki wow thung kreh hapoh ka chnat puræ puthi kamjooh hapoh ka chnat i chait i khiah yow pynsmat ya ini i kaam neibhah nachwa da chimpor hadooh 6 snem yow leh yeini hanla toh iwa emkaam wow pynsmat u pyndap ya ki kreh wa lait.

Related posts

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Da u waheh chnong uwa man leh uwa yahkhmat seiñbalang sai kyrtong MDC ka Namdong

December 21, 2024

Da khana u leh wa ka sorkar da pynkhreh ko ya ki thaw sah ya ki Doctor wa kiwi de hanla em ki cha ki thaw wa cha kdong cha chmiang dooh wei daw chna da ka Housing Complex yow ye u sah waroh kiwa kreh sorkar nadooh ki Engineer wa kiwi kiwi de ha kani ka thaw.

Da pynbna u leh wa ha kini ki snem wow wan daw pynbha pynmiat lut ya ki PHC wa CHC wa em hapoh ka jylla.