Shillong: U montri rangbah ka jylla u Dr. Mukul M Sangma da saam u ya ki M-Tab kawa em hapoh ka Students Digital Learning Aid Scheme 2017 cha ki khynnah wa puræ Class XII hapoh ka East Khasi Hills ha ka yalang wa da pynman ha Dallang Stage, 5th Ground Polo, Shillong heiwa da sakhi leh ka montri ka Information Technology etc. ka Dr. M. Ampareen Lyngdoh kam ka symbood kongsan.
Hei klam u Sangma da pynsñiaw u yei mynsien wa kmen wa ka sorkar da ye ko u pteiñ ya kani ka Digital Learning Aid Programme cha ki khynnah kawa da sdang nadooh ka 2 Naichiphaw 2013 kawa da yarap chiboon ya ki khynnah.
Da ong u wa hapoh ka jylla em chiboon i duna wa chem ki khynnah wei kani ka scheme daw ye ko u pynku ya ki khynnah ha ka liang i puræ puthi.
“Da chem chitom i wa em chiboon ki khynnah kiwa ieh yei puræ chiteiñ por nadooh ki khynnah khian hadooh ki waheh wei ini da duna i hapyrdi ki snem 2006-07 wa 2011-12 na ka 30% cha ka 9.5% wei na ka 39% cha ka 11.5%”, da ong u Sangma.
Kiwi kiwa da klam ha kani ka yalang toh ka montri ka Information Technology etc ka Dr. M. Ampareen Lyngdoh, wa kiwi kiwi.
Kini ki tablet kiwa da saam toh kiwa em ka Android Operating System wei kiwa pynkrehkaam da ka Windows kiwa da em chwa ka Microsoft Office, wa kiwi kiwi wei da jied ya ka company iBall wow saam ya kini ki Tablet.
Ha kani ka yalang da em leh u David Nongrum, MLA ka Mawryngkneng, Commissioner & Secretary, Information Technology, Education etc u D.P. Wahlang, Secretary, Information Technology, u M.R. Synrem u Deputy Commissioner, East Khasi Hills, u PS Dkhar wa kiwi kiwi.
Discussion about this post