Sai ki Doctor 39 tylli ki poisa naar wa 37 tylli ki Magnet na kpoh u bru wa kwah u heh dohksah

Ki Doctor da sai ki 39 tylli ki poisa naar wa 37 tylli ki Magnet na sner u bru wa 26 snem hadien wa ood sooh kpoh u palat 20 sngi.

Ya uni u bru da pooid ha Sir Ganga Ram Hospital wa em ha Delhi heiwa uni u bru da khana u cha ki Doctor wa mut u wa kini ki poisa naar wa ki Magnet toh ki dawai Zinc kiwa yarap wow pynheh dohksah.

Katkam wa khanna kiwa ha-yung uni u bru, da ong ki wa toh uwa rap chitom hei bor pyrkhat wei da sdang u wow ngooid da ki poisa naar wa ki Magnet ha kini ki tayaaw wa da dep.

Nyngkong da leh X-Ray ya uni u bru wei da chem wa em ki tiar wa langdong wa kiwi de hapoh kpoh u.

Related posts

Sdang ka Woodland WK Hospital yei pynkha khon wa khlem kjut iwa nyngkong dooh hapoh ka West Jaiñtia Hills

March 22, 2025

Pynman ka Jowai City YMCA ya ka Health Camp neibynbta kiwa da heh rta

March 21, 2025

Hadien da leh yaka CT Scan wei da chem wa em boon bha ki poisa naar wa ki Magnet kiwa da kset ya u sner u, kamtæ da pooid oo wut-wut.

Hawa pooid ki Doctor da yoo ki ya kini ki poisa naar wa ki Magnet kiwa da em ha ki sner khian ha ki artylli ki thaw wei i bor kini ki Magnet da pynabi ki leh ya ki sner wei da khoi leh i sner.

Ki Doctor da hap ki wow ah yei sner yow ye u sai ya kini ki poisa naar wa ki Magnet.

Ki Doctor da pyntip ki wa waroh da chem ki 39 tylli ki poisa naar kiwa Rs 1, Rs 2 wa Rs 5 wa 37 tylli ki Magnet kiwa em hei dur u khloor, kuli, dohnood wa ki le dong kiwa da sai na kpoh uni u bru.

Ya uni u bru da pynlait napoh Hospital hadien 7 sngi.