Ka Join Action Committee yong ki dhab wa em ha North Eastern Hill University (NEHU) wa kynthup ya ka NEHUTA, NEHUNSA wa NEHUSU da rai ki wow pynsangeh chwa chipor yei yakhih wa da sdang nadooh ka 13 tarik uni u bnai.
Ini i rai yong ka JAC da mih hadien wa da yoh wow yaklam wa u Vice Chancellor kani ka skurbah, u Prof. Prabha Shankar Shukla ynne ka sngi.
Hawa pynbna ya ini i rai, u Chairman ka JAC, u Prof. Lakhon Kma da ong u wa ka JAC ym pu dam ko yei yakhih kat wym pu yoh yei dawa kiwa da booh hakhmat ki bor pynlai, tangwa neibynta wow lai bait ki kaam wei khamtam i pynkhreh ya ki Exam, neiliang ka JAC da rai ko wow pynsangeh chwa chipor yei yakhih nadooh mynstep ka 17 tarik khang wa i krehkaam hapoh NEHU u sdang biang kamwa jooh man.
Da khana u leh wa ha i yaklam, neiliang u VC da kular u wow khut ya ka yalang yong ka Academic Council ha ka tayaaw wa nyngkong yong u bnai wow wan, wei da rai leh wow thung ya ka Committee ka wow bichaar yei dawa yong ka JAC wei yeiwa e yumut ka Committee daw rah yow yaklam hapoh ka Academic Council yow yoh yei mynjur.
Discussion about this post