Ka ri Qatar da pynbna ko wa da sangeh ko yei pynmih ya ka Liquefied Natural Gas (LNG) hadien wa ki thaw pynmih LNG da chah siat ki ha kani ka thma ha West Asia kattæ iwa daw ktah leh ya ka India kawa chaniah na kani ka ri.
Ka India toh kawa em Contract wa ka Qatar yow yoh LNG wei mar ya sdang ka thma da duna chwa 40% i poi ka LNG iwa da ktah ya ki karkhana kamjooh i pynpoi ya ki Gas cha ki yung ki sem lyngba ki City Gas Distribution (CGD) da ki Company wa leh yeini.
Ka QatarEnergy ynnin da pynbna ko wa na ki daw wym poi pyrkhat da hap ko wow sangeh chisiendon yei pynmih ya ka LNG wa kiwi de kiwa pynmihlang ko.
Kani ka QatarEnergy man ko kawi na ki karkhana kiwa da chah ktah nei chah dat Bomb deiwa pynemkaam da ki Drone ka Iran wei ka ri Qatar hi man ko kawa heh dooh kawa chalan LNG hapoh pyrthai.
Najrong wa chah dat Bomb, ki jhaad wa kit phniang wa ki LNG Tanker ym yoh ki wow lai na ka Strait of Hormuz kawa em ha Persian Gulf kawa em pood wa ka Iran wei da tieñ ki leh ya jia iwon iwon neibhah da em chwa le tylli ki jhaad kiwa da chah siat.
Na waroh ka LNG wa pynmih ka Qatar, 40% iwa man 27 million tonnes chi snem toh kiwa lai cha India.
Discussion about this post