theme-sticky-logo-alt
theme-logo-alt
Advertisement ad1
Advertisement ad1

Sdang biang i yakhih neidaw wym pynkrehkaam ka sorkar pyrdi ya ka ILP: JSU

Advertisement ad1
Advertisement ad1

Hadien i wan u montri ki kaam pohyung ka sorkar pyrdi, u Amit Shah cha ka jylla wei i daw wa ym bien u wow yaklam wow pynkrehkaam noh ya ka ILP hapoh ka jylla da wanrah i ya i chrai hapyrdi ki seiñbhalang ka jylla. 

Ynne ka sngi neiliang ka seiñ Jaiñtia Students’ Union (JSU) da sdang ko ya i yakhih deiwa kynreh ya ki kot ki sla yong ki baar jylla ha kylleiñ ka Ri-loom Jaiñtia deiwa sdang ha Jowai, Khliehriat, Amlarem, Mihmyntdu wa kiwi kiwi ki thaw. 

Advertisement ad1

Hawa yaklam ya u President ka seiñ, u Jersom Shylla da ong wa ka seiñ da sñiawsih ko yei wym mano u Amit Shah yei dawa ki seiñbhalang heiyatoh wa ka ILP khamtam wa katni da roi bha ki baar jylla kiwa wan cha Meghalaya wow khih u kreh. 

Da ong u wa ka seiñ da thoh ko cha ka JHADC wow phah ya ki sahep wow lai kynreh ya ki kot ki sla kam ki Trading License wa Labour License tangwa ym em wa wan wei kamtæ da lai kynreh ko ya kini ki kot ha kylleiñ ka Ri-loom Jaiñtia. 

Du ynne ka sngi da phah liwan ka seiñ hadooh palat 200 ngut ki baar jylla wei da phah khang ko leh ya ki palat 30-40 tylli ki dukan kiwa ym em ki kot wa biang.

U Jersom da ong u wa kani leh man ko kam ka dak wow pyrchah ya ka District Council kawa da duna poisa chwa, heijooh i por da chem ki dukan kiwa ymbiang ki kot ki sla wei da em leh kiwa khlem pynthymme ya ki kot ki sla yong ki wei ka Council da chong ko khlem pynchitom ya kini ki dukan. 

Heijooh i por da ong u wa boon ki tre jylla kiwa da pynchah pyrtuid namo Benami, deiwa maham wa ha kawi ka sngi ki tre jylla daw kreh ki hapoh ki baar jylla wei lada toh hi ki dukan ki yong ki, wow pynsakhiat ki ya itæ. 

Da kdaw u leh wa ha ki karkhana Coke da chem wa du ki baar jylla donhi kiwa kreh wei kiwa khlem ki kot ki sla wa biang heiwa da phah chwa wow sangeh ki yei kreh. 

Chooh chooh da ong u wa ini man i sdang yong i yakhih wa ymyoh ya ka ILP deiwa kyntu ya kiwi ki seiñbhalang ka jylla wa kani toh ka por wow khai wei wow dawa pynkrehkaam noh ya ka ILP.

Share this:
Previous

Da pynsñiawthooh wei Test ya ki koidi ka Jowai District Jail ya i kjut Hepatitis

Next

Hiar u Conrad cha South West Khasi Hills wow wai ya ki kaam pynroi ha ka District