Jowai: Ka Khasi Students’ Union Barato Unit ha ka 5 tarik uni u bnai da wai pyrda ko ya ka yalehke Football wa tip kam ka 1st Mait Shaphrang Football Tournament ha madan Mukoi U Bon, Barato.
Ya kani ka Tournament da wan wai da u T. Bareh uwa man kam u kongsan hei emlang u Hilarius Dkhar kam u symbood kongsan da em leh u Cherity Suja, GS ka KSU Khliehriat Circle wa kiwi kiwi de ki rangbah na ka chnong Barato wa na ki thaiñ wa na jan.
Ha chwa wow wai ya kani ka yalehke da yoh ya ki kyntien pynchlur ya kiwa yalehke na kini ki rangbah kiwa kyntu ya ki yow man ki kiwa em akor wei wow em ki ka mynsien yalehke yow nang ku ki chaphrang ha kani ka kaam.
Ha kani ka sngi wa sdang ya ka yalehke da pynman hapyrdi ka Iong O SC pyrchah ya ka Seiñlang SC heiwa ka yalehke man ko kawa chongchit bha wei kawa ya thaiñ bha hadooh wa kut ka yalehke 2-2.
Discussion about this post