Sdang ka 7th Khulu Malang Memorial Football Tournament ka Jingiaseng Samla Pala District

Kam ka dak waw lehkmen ya ka sngi laitlooid ka ri India, ka Jingiaseng Samla Pala District PCI da pynman ko ya ka 7th Khulu Malang Memorial Football Tournament haka chnong Pala ynnin ka sngi wei kani ka lympung toh kawa da wai pyrda man-u-snem ha ka sngi laitlooid ka ri namo ka Independence Day.

Ya ka yalang da sdang dei klam u Rev. D.H. Malang uwa man kam u Chairman uwa da pdiang ya ki khon yong ki 7 tylli ka Balang Presbyterian kiwa haap hapoh ka Pala District, kamjooh da pdiang burom leh ya kiwi de kiwa wan kamjooh ya u Defender Pakem wa man kam u kongsan wa kiwa wan lang cha kani ka yalang.

Da yoh leh i klam da u Rev. Jambor Paslein uwa man leh kam u Financial Secretary uwa da batai yei rukom krehkaam wa i yumut kani ka lympung yalehke, wei da khana u leh ha kani ka lympung da pynmanlang wa kiwi de ki jait yalehke kam ya phet 100m Race wa kiwi kiwi de deiwa ya chimbynta da ki kynthai wa ki chynrang.

Neiliang u kongsan, u Defender Pakem hawa e yei klam da sneiñ da kroo u ya ki khynroo khyllood ka Pala District wei da kyntu u leh wow nang pteiñ u pynman ya kani ka lympung ha ki snem wow wan khnang wa ki khon khynroo khyllood u yoh ki wow pynyoo yei sap i tap yong ki.

Related posts

Super Division EJHDFA: Khlem em wa jop ha waroh ar tylli ki yalehke

November 14, 2024

Daw wan yalehbol ka Racing Club de Blackheath kawa na UK ha Wahiajer

November 14, 2024

Ha kani ka sngi sdang da yoh wow pynman ya ka yalehbol ki kynthai hapyrdi ka Balang Presbyterian Kseh pyrchah yaka Balang Presbyterian Pala heiwa ka Balang Kseh da jop ko lyngba ka yachut Tie-Breaker.

Hei janmiet won ka pynman sa ka yalehbol ki chynrang hapyrdi ka Balang Presbyterian Larket pyrchah yaka Balang Presbyterian Kseh wei ka yaleh man ko kawa yatoh bor bha wei da kut ko da 3-3 tangwa hadien wa yachut Tie-Breaker ka Balang Larket da yoh ko yei jop.

Ki yalehke u pteiñ biang ki haka 19 tarik wei daw em leh ki yalehbol ki yong ki kynthai hapyrdi ka Balang Presbyterian Umkyrpong pyrchah yaka Balang Presbyterian Larket.

Hei yong ki chynrang won, ka Balang Presbyterian Pala daw yachem ko waka Balang Presbyterian Umkyrpong wei daw em leh ka 100 Meter Race.

Kiwa jop ya kini ki yakob ki chynrang wa kynthai daw yoh ki u lai chimbynta ha ka Presbytery Level ha u Naichiphaw, 2023.