theme-sticky-logo-alt
theme-logo-alt

Sdang ka Inter School Athletic Meet ka West Jaiñtia Hills

Advertisement ad1

Ka District Level Inter School Athletic Meet yong ka West Jaiñtia Hills da sdang ya ka ynne ka sngi ha madan Kiang Nangbah Stadium, Dongmihsngi, Jowai heiwa u Additional Deputy Commissioner, West Jaiñtia Hills, u P K Boro da wan u wow embynta kam u kongsan. Da emlang leh ka District School Education Officer ka P. Syiem, u District Sports Officer, u K. Passah, ki dkhot ka West Jaiñtia District Sport Association, kiwa sikai skur ha kani ka yalang wai pyrda.

Neiliang u kongsan da pynchlur u ya kiwa chimbynta wow em ka mynsien yakhun wei wow e waroh i bor i sor hawa yalehke. Da pyn-ehdaw pyn-ehnasib u leh ya kiwa chimbynta wei da pynhær u leh ya ka lama iwa da pynbood u da i puræ ya ka smai.

Advertisement ad1
Advertisement ad1

Hanla joor u slap ynne i step, da chimbynta chongchit da ki khynnah skur kiwa da wan na 17 tylli ki skur ha ki yakob waphær waphær kam ka yaphet pyllah 100mtr,400 mtr, 600mtr, 1500mtr, 4×100 mtr, High Jump, Long Jump, Discus Throw, Javelin Throw wa Shot Put kiwa daw pteiñ hadooh ka 13 tarik uni u bnai.

Ya kani ka lympung da pynman da ka yung krehkaam u District Sports Officer, Jowai deiwa ya krehlang waka West Jaiñtia District Sport Association.

Ki skur wa da chimbynta man ki kamni ha wah:

  1. JNV Mukhla
  2. Michael & All Angle Secondary School, Jowai
  3. Jowai Presbyterian Upper Primary School, Jowai
  4. Sawlyngdoh Higher Secondary School, Mowkaiaw
  5. Government Girls Higher Secondary School, Jowai
  6. Seinraij Higher Secondary School, Jowai
  7. HK Singh Memorial Secondary School, Jowai
  8. Government Boys’ Higher Secondary School, Jowai
  9. Francis Secondary School, Mookyndeng
  10. Kiang Nangbah Higher Secondary School, Jowai
  11. Adventist Higher Secondary School, Khliehtrychi
  12. Jowai Government Upper Primary/RMSA School, Jowai
  13. Sabahmuswang Upper Primary School, Sabahmuswang
  14. North Liberty Higher Secondary School, Jowai
  15. Jaintia Higher Secondary School, Jowai
  16. Khimusniang Presbyterian Secondary School, Jowai
  17. Little Angels Secondary School, Jowai
Share this:
Previous

Sñiawkmen ka TUR wa sdang mih pyrthai i baam-tooh naka Saubhagya Scheme

Next

Khut ka DC ya kitu kiwa pynlait im ya kiwi yow yoh ya ka Jeevan Raksha Padak Award