Sdang ka lympung yalehbol neibynta kiwa 40 snem chaneiñ ka Mukhla Raij Sports Club

Ka Mukhla Raij Sports Club ha ka 21 tarik uni u bnai da wai pyrda ko ya ka 1^st Invitation Knockout Tournament ya kiwa da em 40 snem chanieñ i rta kawa da pynman ha Madan Len ha Ladmukhla heiwa da wan wai ya kani ka lympung yalehbol da u waheh chnong ka Dorbar Chnong Khliehtyrshi, u Kitbok Rymbai kam u kongsan katwa u Eddy Shylla, waheh chnong warim ka Iawmusiang, Jowai da man u kam u symbood kongsan deiwa emlang u Kyntang Passah na Jowai, u Darilang Lamare na Jowai chirup deilang wa ki waheh chnong, Secretary chnong ki chnong ka Mukhla Pyllun.

Ya kani ka Tournament da sdang da ka yalehke hapyrdi ka Mukhla Raij Ever Young FC pyrchah ya ka Ar Daloi FC na East Jaiñtia Hills District, wei kani ka yalehke da man ko kawa yoosuk bha kawa mar ya ryngkat bor bha tangwa ha ka kylla step ka Mukhla Raij Ever Young FC da yoh ko u thap chi kool lyngba u Rimaya Suna kawa da neh hadooh wa kut ka kylla step.

Ha ka kylla miet won ka Ar Daloi FC da pyrchang ko u thooh ki laad ki luti yow su kylliang tangwa ym ko wei da kut ka yalehke da 1-0 deiwa jop ka Mukhla Raij Ever Young.

Ha ka yalehke wa ar da pynman hapyrdi ka Iakyntu FC kawa na Ladmukhla pyrchah ya ka yung krehkaam ka Soil Department wei kani ka yalehke leh da man ko kawa yoosuk wa kawa chongchit bha heiwa ka Iakyntu FC da yoh ko u pynkhih nyngkong ya ka jaar chwa u kut ka kylla tangwa ka Soil Department da yoh ko u su kylla.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ha ka kylla miet ka Iakyntu FC da yoh ko u thap sa 2 tylli ki kool yow jop da 3-1.

Ki yalehke wa bood daw pteiñ biang myntu ka sngi hapyrdi ka Old Star FC pyrchah ya ka MLP FC heipor 2:30 i sngi ha Madan Len hi ha Ladmukhla.