Sdang ka Meghalaya da ka Easy Lottery kawa Rs. 50 klur ka song poisa ya kiwa jop

Ka sorkar Meghalaya ynne da pynlait paidbah ko ya ka Easy Lottery ha Delhi kawa man kawa nyngkong dooh hapoh India kawa man kam ka Fully Digital Lottery deiwa emlang u Montri Rangbah ka jylla, u Conrad K Sangma wei ya kani ka pynkhle nasib toh kawa ye ki paidbah u thied u pynemkaam deiwa lai ha https://easylottery.in.

Kiwa jop nyngkong dooh daw yoh ki ya ka poisa kawa Rs. 50,00,00,000.

U Conrad da yaroh u ya kiwa embynta wow pynmankaam ya kani ka pynkhle nasib wow man kawa khooid wa suba kawa man da ka stat Digital nadooh wa sdang hawa thied Ticket hadooh wa kut hadooh i phah ya ka poisa cha kiwa jop.

Da ong u leh wa dang lah kani ka wym hap wow pynlut por kamwa leh kiwi ki bru deiwa yathong ha ki App wa man pyrchang aiñ kiwa man leh ki jait yalehke wa kdoh wa khoom ya ki bru wei kani ka Easy Lottery da leh ya ka wow pynyoh ymtoh wow pyndooh neibhah manda jop da yoh myntoi wei lada rem leh ka dan wa mih na ka daw pynlai yow wanrah ki kaam pynroi hapoh ka imlang wei kawa daw pynmyntoi leh ya ka ri. 

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Da pyntip leh wa da chna ya kani ka Easy Lottery heitæ i rukom wa kitu kiwa thied ma thied tangwa ym jop wei da man ko ka dooh nong, daw pyndam ya ka Account yong ki tangwa ya kiwa jop wa jop ym khanglaad ya ki.

Da kdaw leh wa ka Prize kawa Rs. 50 klur toh kawa heh dooh hapoh India.