Sdang ka Municipal yei kynreh ya ki Plastic wa da khang wow pynemkaam

Hadien wa yoh ya ka hukum na ka High Court ka Meghalaya wow pynkrehkaam ya ka Plastic Waste Management Rule, neiliang ki bor District ka East Khasi Hills da phah ki ya ka Shillong Municipal Board (SMB) wow kynreh ya ki Plastic wa da khang wow pynemkaam nadooh ka 15 tarik uni u bnai.

Kam chibynta wow sdang yeini, ynne da lai kynreh ha ar tylli ki yaaw wa em ha Shillong, kitæ kawi ha Laban wa kawi ha Polo.

Ha ini i lai kynreh kiwa kreh ka SMB, da emlang ki Environmental Engineer kiwa da kem ya kiwa boon ki Plastic wei da maham leh yei pynemkaam ya ki Plastic wa stang hapoh 120 micron, wa ki wym em ya ka chap yong ka Company wa pynmih ya ka Plastic wa kynthup ya ki khuri plastic, ki siang plastic, ki muna plastic wa kiwi ki tiar plastic kiwa man kam ki Single Use Plastic (ki jiat Plastic wa pynemkaam chisien donhi).

Related posts

Yoh u Hek, u Kyrmen, u Comingone wa u Shakliar da ki chuki Chairman wa Adviser ka sorkar

October 7, 2025

Lai toor kiwa yaleh kreh pulit Meghalaya cha ka Recruitment Board wa joor pynslem u pynbna Result

October 7, 2025

Ha ini i kynreh ki bor ka Shillong Municipal Board da yoh wow kem ym du ya ki Plastic wym man u pynemkaam, tangwa da hikai leh ya kiwa chongdai ya ki jait Plastic wa hoi u pynemkaam deiwa Scan ya ki QR Code heipor wa thied ya ki Plastic kiwa ye u pynemkaam katkam wa da phah da ka Central Pollution Control Board (CPCB).