Ka Jowai Presbyterian Higher Secondary School, Jowai kam ka dak wow lehkmen yaka Silver Jubilee namo i dap 25 snem yong ka, da pynman ko yaka Sports Meet wa le sngi ha Kiang Nangbah Stadium, Jowai kawa da sdang ynne.
Chwa wow sdang da pynman yaka yalang wow wai ya kani ka lympung yalehke heiwa da yoh ya ki kyntien pdiang sñiawbha na ka Principal yong ka skur, ka I. Lytan wei da duwai na ka ktien yong u Blai na ka G. Bhoi.
U Deputy Commissioner ka West Jaiñtia Hills, u BS Sohliya kam u kongsan da e khublei u yaka skur wa ye ki u pynman ya kani ka lympung yalehke heiwa da kyntu u ya ki khynnah wow yait u kiar na ki dih wa ki baam wa sih kiwa daw ktah ya ki hadien.
Ha kani ka lympung yalehke da wan chimbynta da ki skur yong ka Balang Jowai nadooh ka L.P. School, ka U.P. School waka Iongnoh School wei u pynkut ya kani ka Lympung haka 29 tarik uni u bnai.
Ki jait yalehke ha kani ka lympung kynthup ki ya ka phet pyllah kam ka 100m, 200m, 400m, 800m, Hight Jump wa Long Jump.
Discussion about this post