15 49.0138 8.38624 1 0 4000 1 https://wyrta.com 300 0
Advertisement ad1

Sdang ka yakop pynyoo sap yah kari ha Ialong

0 Comments

Jowai : Ka yakop pynyoo sap yah kari kawa tip leh kam ka Max Autosprint Challenge kawa pynman da ka East Jaiñtia Adventure and Motor Sport Association (EJAMSA) da pynman ya ka ynne ha madan Lyngkeiñ, Ialong.

Ha kani ka sien wa nyngkong wa pynman ya kam kani ka yakop ha West Jaiñtia Hills da wan hadooh 33 tylli ki kari wa wan chimbynta na Assam, Nagaland, Arunachal Pradesh, Meghalaya wei nadooh na Delhi leh.

ejma

Ya kani ka yakop da yabhah ya ki kari ha ki le kyrdan katkam i khlan bor ki heiwa da em ka kyrdan ya ki kari SUV, ki kari wa khlan bor 1300 cc cha neiñ wa ki kari wa embor 1300 cc cha poh.

I rukom pyllai ya kani ka Autosprint toh uwi pa uwi u wa yah kari u yoh laad u le sien u pynhær ya ka kari na wa sdang hadooh wa kut ka sarok khyndaw wei yei por wa smat dooh i yong oo da jied kam ka ‘Best Time.’

Ya kiwa lai cha rood palat soo tylli ki chaka ya iwa kær ya u sarok da pyndam yei por yong ki wei kamjooh da pynku yei por lada yah bakla yow pood wa da booh u yah.

U Amanpreet Ahluwalia wa wan na Delhi uwa jooh man leh kam u National Champion Go-Karting da yaroh u ya ka thaw wa pynman ya ka Motorsprint, da ong u leh wa kiwa yah kari napoh ka jylla toh kiwa em bha i sap wei da pynchlur u leh ya ki yow wan chimbynta ha kiwa boon ki yakop hapoh ka ri.

Da ong chooh chooh u wa oo da em u ha ki kaam yakop yah kari (Motorsport) kattu la 16 snem wei man ko leh kawa syad u em ha ki kaam Motorsport, ha kini ki bnai wa da dep da wan chim bynta u ha kiwa boon ki yakop nadooh na Garo Hills, Assam kamjooh ha Shillong wei na kata da haap u sai kamwa T. 1 Lak tam.

Hapoh ri India ong u wa ka Motorsport toh kawa dang sah dien bha neidaw wa ka sorkar ym em tipmit ko ya ka kam ka jait Sport.

Heiwa yaklam wa ki dkhot ka EJMSA da ong ki wa nachwa ya kam kani ka jooh ka yakop jooh pynman cha ki thaiñ Sutnga wei ha uni u snem da rah ya ka ha Ialong. Da ong ki leh boon ki por ya kam kani ka jait yakop jooh lai lang ko wa ki kaam uiñsawari kamtæ ki tre chnong da smat ki u pdiang yow pynman ya kani ka Motorsprint.

Kiwi de ki thong wa kongsan yow pynman ya kani ka yakop toh yow pynkynmoo ya ki paidbah yow man ki kiwa husiar heipor wa yah kari kamjooh yow lait ki paidbah u pynman ya ki yakop cha ki luti syngkieñ iwa booh leh ya ki paidbah hei ma.

Da wan wai ya kani ka Max Autosprint Challenge da ka B. Blah, BDO Thadlaskeiñ Block.

Ya kani ka Autosprint u pynkut ya ka mynstep ka 26 tarik.

ejma2

ejma7

ejma5

ejma4

ejma1

ejma3

Advertisement ad1

0 Comments

Leave a Reply