Shillong: Ka Hill State Peoples Democratic Party (HSPDP) ha kani ka Election MLA da jop ko du ha ki ar thaw wei katni boonkaam ko wow pynkhlan ya i krehkaam ka seiñ khamtam kat wympu rai ya u kyrtong neibynta ka Election MP 2019 wei wow pynkhreh wow pynman ya i lehkmen dap 50 snem i wow sdang nadooh 10 Khonchonglad uni u snem da ong u Acting President ka Hill State Peoples Democratic Party (HSPDP) u K. Phlastingwell Pangniang.
Da pyntip u leh wa ka party daw chong pyrkhat ko lada daw pynyieñ kyrtong ko ha ka MP election lada u kyrchaan ya u kyrtong ka sorkar MDA.
Hajrong i rai ka UDP wow kyrchaan ya ka NPP heiyatoh wa ka Tura neibynta ka MP election da ong u, “Ini man i i rai ka UDP wei burom i yeitæ wei ym kwah O u ong iwon iwon hajrong ini neibhah daw chong pyrkhat i ya ka MP election.”
Heiyatoh wa i yabhah seat hapyrdi ka HSDPD wa UDP neibynta ka election MDC kam ha ka election MLA, da jubab u deiwa ong wa ka party ympu em yalok ko neibynta ka election MDC tangwa em ki ka mynsien yakrehlang wei ye ki leh u pynyakhun kat nawa biang ki lait nei yalok hachwa yong ka election.
Discussion about this post