Ka Hat-Trick na u Manbha Iawphniaw da pynjop ko ya ka Mawlai SC da 6-1 ya ka Malki SC ha ka yalehke wa 36 ka Shillong Premier League 2021-22 ha Third Ground, Polo, Shillong ynne ka sngi.
Ha kani ka yalehke da em boon kiwa da man kam ka sien nyngkong ha kani ka samoi, nadooh ka Hat-Trick, ka sien nyngkong wa thap kool 6 tylli da kawon kawon ka liang wei i sien nyngkong wa chah thap kool ka Mawlai ha ki 8 tylli ki yalehke.
Kiwa thap kool najrong u Iawphniaw (24’, 58’, 74’), toh u Nikelson Bina (26’), u Samuel Lyngdoh Kynshi (37’) wa u Donlad Diengdoh (40’) katwa u Marchsterfield Marbaniang (86’) da thap kool u ya ka Mawlai.
Ha ka sien wa nyngkong wa yachem kini ha kani ka samoi, ka Mawlai da jop ko da 4-0.
Ki yalehke u pteiñ biang ki ha kani ka 18 tarik hapyrdi ka Mawlai waka Nangkiew Irat kawa man ka yalehke kawa da ieh khlem pynman ha ka 4 tarik neidaw wa dap um ka madan.
