Smat u SK Sunn wow chimkti ya ka chuki montri næ Lamphang lada em i tyrwa

Shillong: U MLA ka Mawphlang uwa da mih pyrtuid wow chimkti kam u montri ha ka sorkar lada u Lahkmen Rymbui chah jied u kam u Lamphang ha yung dorbar, tangwa neiliang u SK Sunn da ong u wa hadooh katni ym pu em kawon kawon ka yaklam na ka Party wow chimkti u ya ka chuki montri.

“I pynyabi yong nga cha ka UDP ym toh neibynta wow yoh chuki, tangwa da man ko neibynta wow yoh myntoi ki paidbah wow pynkhlan ya ka Party,” da ong u Sunn.

U Sunn da pynsñiaw u leh ya ini i kaam da ieh u hei pynlai yong kiwa kitkaam ka Party wei lada ka Party yoo biang ko, u chimkti u ya kawon kawon ka kaam, tangwa ym yaknieh u ne u toor u neibynta ka chuki.

Ha i jooh i por da pynsñiaw u leh wa ym em kawon kawon ka pyrchah lada ka Party yoo ko wa biang da kiwi wow chimkti yaka chuki montri ha ka sorkar.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

“Nga ym em psiah O cha ka UDP neibynta wow yohmyntoi samen, hadooh katni ym pu em ka yaklam hajrong ka chuki montri, tangwa lada ka Party ym yoo biang ko ya nga wow chimkti yaka kaam, nga smat O wow pdiang sñiawbha,” ong u Sunn wei da pynrap u leh deiwa ong, “Nga ym em O iwon iwon i pyrchah lada ka party ka yoo biang ko ya kiwi wow chimkti kam u montri, wei ha i jooh i rukom nga ngait O wa kiwi leh ym pyrchah ki lada ka Party tyrwa ko ya nga.”

Ha iwi i liang u Sunn da ong wa ya ka kaam Lamphang ha ka yung dorbar da man bait ko i bhah yong ka UDP hadien i khlaad syndet u Lamphang warim uwa man leh u President ka UDP, u Dr. Donkupar Roy.

Hawa kylli, da ong u, “Lada ka party ka yoo biang ko ya nga wow chimkti ya kani ka chuki nga man O uwa pdiang sñiawbha katkam i pynlai ya ka Party.”

Hawa yatoh won wa i jied ya uwa yahkhmat wa thymme næ u President ka UDP, neiliang u SK Sunn da ong u wa uwa yahkhmat wa thymme toh u man u u bru wa stat wei uwa chynna kammon wow pynkhlan chooh chooh ya ka Party uwa ye wow pyntikna wa ka UDP u jop ko boon ki MLA ha u snem 2023 bar ya iwa jop katni.

U Sunn da ong u wa ki dkhot wa kiwa kitkaam yong ka UDP toh u pyrkhat wei wow booh ya kani ka thong hachwa wow jied ya uwa yahkhmat wa thymme, wei da pynsñiaw chooh chooh u wa ya u President ye wow jied da uwon uwon u bru yong ka Party wei ym emkaam wow man u kam u MLA.