Shillong: U Chief Executive Member (CEM) ka KHADC, u Hispreaching Son Shylla da pynsñiaw u yei phylla hajrong wa chah pynbaad baam-tooh ka Executive Committee (EC) warim wa yakhmat da u Pynshngain N Syiem kam u CEM heiyatoh wa u sarok Wahkaji-Mawthabah wa u surok Umdohlun-Phlangdiloin wa da kynjoh ko hadooh T. 5.80 klur.
“Nga ym sñiawthooh O wa i kreh kawa du katwon da poi ko T. 4.5 klur neibhah ya u sarok toh uwa da chna deiwa tymmoh da u chyiap wa i khyndaw katwa ya ka poisa da pyllait hadooh 70% neibynta uni u sarok,” da ong u CEM.
Da pyntip u leh wa ya kani ka kaam u EM (Buildings), u Donkupar Sumer da booddien wow thooh bniah yow chem yeiwa sakhiat.
“Nga sñiaw phylla O wa ya uni u sarok da e mynjur leh na u Executive Engineer ka PWD, katwa i kreh hadooh katni da dep du kamwa 20% katwa ya ka poisa da pyllait wow chna ya oo da kynjoh i hadooh 70%,” da ong u Shylla.
U CEM da pyntip u leh wa ka mang poisa ya uni u sarok da man ko T. 4 klur neibynta u surok Wahkaji-Phlangdiloin wa palat T. 1 klur neibynta u surok Wahkaji-Mawthabah, tangwa da pynsñiaw u yei phylla wa ya ka poisa dadep wow sai hadooh T. 4.5 klur.
Hawa jubab lada ka EC daw pteiñ ko wow pynkreh ya uni u surok, neiliang u CEM da ong u, “Ym pteiñ de wow chna ya uni u sarok wei u kut ko wa u CEM warim.”
Ye wow pynkynmoo wa katkam ka Work Order wa da e da ka KHADC cha ki Contractor da kdaw wa ya kawi ka Project neibynta wow chna pynmiat ya u sarok na Umdohlun-Wahkaji-Phlangdiloin da mang hadooh T.4.50 klur katwa ya kawi won ka project neibynta wow pynbha ya u sarok na Wahkaji-Mawthabah da mang T.1.30 klur.
Heiyatoh wa u sarok Umdohlun-Wahkaji-Phlangdiloin da phiah ha ki 3 bynta wei kawa nyngkong toh ka sarok na Myriem cha Umdohlun iwa jngai kamwa 7 km, na Umdohlun cha Wahkaji 3 km wa sa kawi won wa 10 kilometer na Wahkaji cha Phlangdiloin.
Discussion about this post