15 49.0138 8.38624 1 0 4000 1 https://wyrta.com 300 0
Advertisement ad1

Sñiawkhia ka Seiñ Kyntu Seiñ Raij – 12 Dolloi yeiwa jia ha Mylliem

0 Comments
Advertisement ad1
Advertisement ad1

Jowai: Ka Seiñ Kyntu Seiñ Raij – 12 Dolloi ynne ka sngi da lai ki wow emlang ha i pyndep niam wa khaddooh ya u Kulam Nongrum, President ka Nongshat Nongkhein Hynniew Skum Hynniew Trep ha ka chnong Mylliem.

Ha kani ka sngi wa sñiawsih, ka seiñ da sñiawheh mynsiem ko wow yoo yei pynem warom khaddooh ko ya uni u rangbah, neibah kam u President katai ka seiñ, da em boon bha kiwa ya wan na ki tnat ki seiñ waphær waphær na ka bri u Ynñiawtrep Ynñiawskum.

Iwa rap em burom chooh chooh toh hadooh wa ki pulit leh da wan ki wow synran lang, yow pyntikna wa lai bait kani ka leh niam lai thang neidaw wa boon palat u paidbah.

Kam ka dak wow burom ya uni u President wa da khlaad noh, ka chnong Mylliem waroh kawi da khang chnong wow lai chimbynta lang hajrong ini wa jia wa sniawsih.

Kam ka dak wa leh warom wei maya ya uni u Rangbah, khamtam neiliang kiwi ki Balang da wan rah ki da ki lama rong yong ha luti wa lai thang. Tangwa kam ka seiñ kawa wan na thaiñ Pnar (12 Dolloi), da chem ki wa em iwa phylla neibhah da em kiwa kbai wei rah ya ki lama rong yong kiwa pyrchah ye lai thang wym sñiawthooh ka seiñ neiyi i daw wei ym jooh em i jia kamni hapoh ka bri u Ynñiawtrep Ynñiawskum katkam ka dustur khamtam ha ka kaam yap.

Kam ini i jia ym kwah de ka seiñ wow jia i wei da e mynsien ko ya ka Seng Khasi Mylliem wei kamjooh ya ka Seiñbah ki Nongshat Nongkhein wow lai ki cha khmat neibynta ki kaam wa bha yong ka jaitbru yong i deiwa krehlang deiwa maya i sñiawthooh yumut wa da i yatylli.

Kani toh katkam ka khubor na u S. Sari Publicity Secretary ka SKSR – 12 Dolloi.

Advertisement ad1

0 Comments

Leave a Reply