Ka Rumshnong Youth Club Bataw da pynsñiaw ko yei sñiawsih wow tip wa u Ma Odlingson Biam uwi na ki rangbah wa jooh ya kit ya bah ya ki kaam ka imlang sahlang hapoh yong ka chnong Bataw wei man u leh kam uwi na kiwa seiñ wa u General Secretary wa nyngkong dooh yong ka Rumshnong Youth Club heipor wa sdang ya kani ka Club haka 03-01-1967.
Ka Club da khana ko leh wa man u leh u bru wa stat wei chemphang kammon u kynrong ya ka Club ha ki liang waroh khamtam heipor wa dang sdang u seiñ ya ka Club heiwa da man iwa eh bha u pynku ha waroh ki liang waroh.
Neiliang ka Club lyngba u President, u Deihok Sumer uwa man leh u Waheh Chnong ka Bataw lyngba ka Club wa ka chnong hi waroh kawi phah ki ya kani ka kyrwoh sñiawlem cha ka kurim wa ki khon yong oo ha ka chnong Mowkaiaw, ki kur ki jait, ki lok ki jor wa emyatoh waroh deiwa ong wa e wa u Blai wow pyntngen u yei sñiawsih wa ya u dohnud wa mong yong ki.
Im i pyrtuid sah i naam, lai suk cha dwar u Kynrad.
Discussion about this post