I saam Tin yung u Sniawbhalang Dhar uwa man kam u Symbood Montri Rangbah kamjooh u MLA ka Nartiang Constituency da pteiñ i sa ha chnong Tamu ha ka 13 tarik uni u bnai.
Ha ini saam Tin da em hadooh 160 tylli ki manyung kiwa da yoh yarap heiwa neiliang ki manbei yong kani ka chnong da pynsñiaw ki yei sñiawngooh ya u Sniawbhalang uwa da e yeini i yarap ha chnong yong ki kiwa dang boon ki yung phlang yung trep.
Chooh chooh da ong ki leh wa biang por bha ini neidaw wa ka chnong yong ki daw pdiang ko ya ka yaseiñ Presbytery wei kamjooh leh wa da poi ka samoi hiar u slap u phria wei kani da man ko leh kam ka laad yada ya ki yung ki sem yong ki.
Discussion about this post