Uwa yahkhmat ka Bharatiya Janata Party ha Meghalaya uwa man leh u MLA ka Pynthorumkhrah, u Alexander Laloo Hek da pynsñiaw u yei sñiawsih wei sñiawsarom wa ka BJP kawa synchaar ha ka ri India ym ye ko wow sai kyrtong ha ki ar tylli ki Constituency kiwa em ya ka Election chiteiñ samoi ha ka jylla.
Ki le tylli ki Constituency ha ka jylla da pynkhreh ki ya ka Election chiteiñ samoi ka wow man ha ka 30 tarik uni u bnai, kitæ ka Mawryngkneng, Rajabala wa Mawphlang neidaw wa khlaad noh yong ki MLA kitai ki Constituency, tangwa ha kani ka Election ka BJP kawa toh ka Party kawa synchaar ya ka ri India wei da emlang leh ha ka sorkar MDA ha ka jylla, ym em sai kyrtong ko ha ki 2 tylli ki Constituency, laitnoh du ha Rajabala kawa pynyieñ da u Kingstone B Marak.
Hawa kylli, u Hek da kyntait u wow klam wa ka BJP em ko yei kyrmen wow jop, tangwa da ong u wa daw lai wow yalap Election wei ye u man hadien itæ daw ye u batai.
Hawa kylli chooh chooh, uwa yahkhmat ka BJP uwa man leh u Montri warim ha ka sorkar da ong wa ha ka jylla Meghalaya ka Vote sñiawlem ka krehkaam bha ko wei em ko i bynta wa khroo, tangwa da pynrap won u wow yang chwa yow tip.
