Aizawl: U Union Minister wa pait yaka Home Affairs, u Amit Shah da wai paidbah u yaka North East Handloom and Handicraft Exhibition ha Aizawl, Mizoram ynne ka sngi. Da emlang leh u Chief Minister ka Mizoram, u Zoramthanga, u Union Minister of State (IC) for Development of North Eastern Region and Minister of State for Prime Minister’s Office, Personnel, Public Grievances and Pensions and Departments of Atomic Energy and Space, u Dr. Jitendra Singh.
U Amit Shah hawa e yei klam da pynsñiaw u yei kmen wow yoh u wan cha kawi na ka jylla wa miat dooh hapoh ka ri deiwa ong wa man ko ka nongmuna ya kiwi ki jylla haka synchaar paidbah ka ri kawa nachwa ka jylla kawa chah ktah ha ki seiñ kieñ suloi kiwa yaleh wow yoh yaka laitlooid tangwa katni ka Mizoram da man ko kam ka dak ka chong suk chong saiñ kawa man leh ka khubor wa da pynyoo ko cha ka pyrthai waroh kawi.
U Shah da ong u leh wa ka kaam thain kaam soor that toh kawa ye bha u wanrah yei yoh khih yoh khan ki paidbah ka wow yarap leh ya waroh ka thaaiñ mihsngi wow roi wow paar ko.
U Home Minister da ong u leh wa haka sorkar wa nyngkong u Narendra Modi, ya ki chken ki siej da pyndooh ya ki wow man ki kam ki dieñ ki wym hoi u ah yow pynku ya ka kaam thain.
Da ong u leh wa ha kini ki 5 snem wa da lai, hapoh ka jylla Mizoram, da sdang wow kreh yaka 60 MW Tuirial Hydro Electric Power Project. Wei da sñiaw skem u wa ha u snem 2021, Aizawl daw pynyabi yaka da ka luti rel (Broad-gauge Railways).
I sdang ya ka Kaladan Multi Modal Waterway wa ki yaaw khappood (Border Haats) daw wanrah ko ya ki kaam khayi pateiñ ha Mizoram. Wei kiwi de ki kaam wa da sdang toh ka Greater Aizawl Water project, State Referral Hospital, State Sports Academy, Horticulture College waka Cricket Stadium, da ong chooh chooh u.
Hawa wyrchaw u wa kiwi ki sorkar wa da lai da ong u wa ka Mizoram yoh ko T. 19,970 klur naka 13th Finance Commission (FC), katwa haka 14th FC, da yoh ko palat T. 42, 970 klur naka sorkar u Modi Government yow pynku yaka Mizoram. Da yaroh u leh yaka Mizoram wa da man ko ka Open Defecation Free State namo ka jylla kawa da biang ki paikhana.
Discussion about this post