Delhi: U Lat ka Meghalaya, u Tathagata Roy da yachem u wa u Union Minister of State (I/C) Ministry of Development of North Eastern Region (DoNER), MoS PMO, Personnel, Public Grievances & Pensions, Atomic Energy and Space, u Dr. Jitendra Singh ynnin ka sngi ha Delhi. Ha kani ka yachem neiliang u Lat da pynsñiaw u ya ki yumut yong oo hawa yatoh wa ki kaam wa ktah yaka imlang sahlang wa kiwi de ki kaam wa yatoh waka jylla Meghalaya.
Neiliang u Dr. Jitendra Singh da ong u wa ki kaam pynroi kiwa da wanrah ya ki jylla wa em haka thaaiñ mihsngi, man ko kawi na ki thong ka sorkar India wa yakhmat da u Prime Minister u Narendra Modi. Da ong u leh wa ka Northeast da yoh myntoi ko chiboon na ki sarok wa da pynyabi yaka wa ka ri waroh kawi, wei ini i thmu ym toh wow sñiaw yajan ka Northeast waka ri, i thmu toh wow pynyajan ya waroh ka ri India yow sñiaw yajan ki waka thaaiñ Northeast neibhah ka ri waroh kawi em ko boon wow tip naka thaaiñ Northeast.
U Minister da ong u leh wa haka 22nd National Conference on e-Governance kawa dang dep pynman ha Shillong, deilang waka Department of Administrative Reform & Public Grievances (DARPG), Government of Meghalaya and Ministry of Electronics and Information Technology (MeitY), Government of India. Heiwa da chim wow pynmih yaka thong ‘Shillong Declaration’ heiyatoh waka e-Governance hadien ka ya phyllu yumut wa ar sngi.
U Dr. Jitendra Singh da ong u wa ka sorkar da yaleh ko katwa ye yow pynku ya ki kaam thain kaam soor that haka Northeast. Da ong chooh chooh u wa ka Meghalaya toh kawa em ki laad wow ku ko ha ki kaam psan dakha, ri sniang kawa daw yarap wow pynku yaka yoh ka kot kamjooh wow yoh khih ki bru.
Discussion about this post