Ka soskular MoU da soi ya ka ynne hapyrdi ka Finance Department ka sorkar jylla wa ka Meghalaya Rural Bank (MRB) hei sakhi u Montri Rangbah ka jylla, u Conrad K. Sangma wow kyrchaan ya ki 600 tylli ki Business Correspondents (BCs) ha ka jylla.
Ya kani ka soskular da soi da u Dr. D. Vijay Kumar, Commissioner & Secretary, ka chnat Finance Department, u Tshering Deki, Chairperson Meghalaya Rural Bank wa u Naingkhangvung Guite, General Manager, OIC NABARD.
Neiliang u Conrad da ong u wa kani ka soskular daw yarap ko ya ka jylla hei wow phah ya ka poisa na ka sorkar pyrdi wa sorkar jylla cha kiwa yoh myntoi na ki Scheme waphær waphær.
Hadien wa soi ya kani ka MoU ka sorkar jylla daw yarap ko ya ka MRB wow booh 600 tylli ki BCs ha ka jylla heiwa daw e leh ya ki da ki Micro ATM.
Ki Micro ATM daw yarap ki wow sai poisa wei wow su ya ka poisa cha kiwa thied wa pet khamtam ki Village Employment Council (VEC) kiwa ym em Account wa ki chnong wa da tipmit da ka sorkar.
Ki BC leh daw yarap ki wow wai ya ki Bank Account wei wow pynchlur hei wow pynemkaam ya ki Bank.
